Guðbjörg Norðfjörð aftur orðin varaformaður KKÍ

Guðbjörg Norðfjörð er nýr varaformaður Körfuknattsleikssambands Íslands en ný stjórn fyrir árin 2009-2011 var kosin á ársþingi sambandsins á dögunum. Guðbjörg var einnig varaformaður KKÍ starfsárið 2006-2007.

Hannes Jónsson var endurkjörinn formaður KKÍ en Guðbjörg sest í varaformannsstólinn í staðinn fyrir Guðjón Guðmundsson sem var varaformaður KKÍ frá 2007 til 2009.

Guðbjörg er ein sigursælasta körfuboltakona landsins en hún varð þrisvar Íslandsmeistari með KR og fjórum sinnum bikarmeistari með Haukum og KR auk þess að spila 53 landsleiki fyrir Íslands hönd.

Stjórn KKÍ 2009-2011

Hannes Jónsson, formaður

Guðbjörg Norðfjörð, varaformaður

Eyjólfur Guðlaugsson, gjaldkeri

Þóra Melsteð, ritari

Páll Kolbeinsson, meðstjórnandi

Erlingur Hannesson, meðstjórnandi

Gujón Þorsteinsson, meðstjórnandi

Lárus Friðfinnsson, varamaður

Bryndís Gunnlaugsdóttir, varamaður

Guðjón Guðmundsson, varamaður