Von Habsburg seldi fyrir 85 milljónir handa íslensku listalífi

Íslensk nútímalist mun fá rúmlega 85 milljónir kr. styrk frá Francescu von Habsburg á næstu dögum en von Habsburg setti 30 af eigin verkum á uppboð hjá Philip de Pury s.l. föstudag. Fóru verkin á samtals tæplega 540.500 pund.

Eins og fram kom í frétt hér á Fréttastofunni fyrir helgina mun Nýlistasafnið verða einn þeirra íslensku aðila sem njóta mun góðs af þessari fjárhæð. „Mér líkar vel hvernig þetta safn hlúir að listamönnum og hver stefna þess er," segir von Habsburg. „Stefnan er á svipuðum nótum og hjá minni eigin stofnun TBA21."

Verk í eigu von Habsburg voru hluti af stærra uppboði á nútímalist hjá uppboðshúsinu Philip de Pury. Í frétt frá uppboðshúsinu segir að alls hafi selst verk fyrir rúmlega 5,8 milljónir punda á uppboðinu sem er það mesta sem selst hafi af nútímalist á einum degi hjá Philip de Pury.

Simon de Pury stjórnarformaður uppboðshússins er mjög ánægður með söluna og sérstaklega ánægður fyrir hönd von Habsburg enda fer ágóðinn af sölu verka hennar til góðs málefnis.

Íslensk nútímalist mun fá rúmlega 85 milljónir kr.styrk frá Francescu von Habsburg á næstu dögum en von Habsburg setti 30 af eigin verkum á uppboð hjá Philip de Pury s.l. föstudag. Fóru verkin á samtals tæplega 540.500 pund.

Eins og fram kom í frétt hér á Fréttastofunni fyrir helgina mun Nýlistasafnið verða einn þeirra íslensku aðila sem njóta mun góðs af þessari fjárhæð. „Mér líkar vel hvernig þetta safn hlúir að listamönnum og hver stefna þess er," segir von Habsburg. „Stefnan er á svipuðum nótum og hjá minni eigin stofnun TBA21."

Verk í eigu von Habsburg voru hluti af stærra uppboði á nútímalist hjá uppboðshúsinu Philip de Pury. Í frétt frá uppboðshúsinu segir að alls hafi selst verk fyrir rúmlega 5,8 milljónir punda á uppboðinu sem er það mesta sem selst hafi af nútímalist á einum degi hjá Philip de Pury.