Starfsmenn og framkvæmdastjórn Straums fá milljarð kr. í kaupréttarsamninga

Straumur hefur ákveðið að starfsmenn og framkvæmdastjórn bankans fái kauprétt að 650 milljón hlutum í bankanum á verðinu 1,67 kr. á hlut eða samtals rúmlega einn milljarð kr.. Gengi Straums í kauphöllinni stendur núna í 2,68 kr. á hlut.

Í tilkynningu um málið segir að af þessum fjölda hluta komi 296 milljón hlutir til framkvæmdastjórnar bankans. Talan 1,67 kr. á hlut er meðalgengi Straums síðustu 20 dagana.

Handhafar kauprétta ávinna sér réttindi Í þremur jöfnum áföngum (1/3), þ.e. eftir fyrsta, annað og þriðja ár frá útgáfudegi og er kaupréttur í gildi fram að lokum fimmta árs.

Kaupréttir þessir eru í samræmi við ákvörðun hluthafafundar Straums frá því 15. apríl í fyrra.