Ólíklegt að Icesave verði afgreitt úr fjárlaganefnd á morgun

Fulltrúar allra stjórnmálaflokkanna í fjárlaganefnd funduðu um ríkisábyrgð á Icesave samningana seinnipartinn í dag, til þess að fara yfir breytingartillögur við frumvarpið.

Lengi hefur legið fyrir að ekki er meirihluti fyrir frumvarpinu í núverandi mynd á Alþingi og hafa sífellt fleiri þingmenn stigið fram með efasemdir um frumvarpið.

Um óformlegan vinnufund var að ræða hjá fjárlaganefnd í dag en nefndin mun koma saman í heild í fyrramálið.

Ólíklegt er að málið verði afgreitt úr nefnd á morgun, miðað við stöðu mála.