Breytingar á starfsmannahaldi Straums

Straumur Burðarás segir upp upp eða færir til í starfi níu starfsmenn sína hér á landi og 20 erlendis. Geir Andersen, upplýsingafulltrúi Straums, segir að þetta sé gert í hagræðingaskyni.

„Það eru búnar að vera smá hreyfingar. Hérna á Íslandi hafa ekki beint verið uppsagnir heldur eru níu manns sem annað hvort hefur verið sagt upp, farið í lengra frí eða leyfi eða verið fluttir til innan samstæðunnar. Svo var eitthvað um uppsagnir líka," segir Georg.

Hann segir að jafnframt hafi verið uppsagnir erlendis. Um 20 manns hafi verið sagt upp en það hafi að stærstum hluta verið útlendingar. „En ég held að það hafi verið einhverjir Íslendingar í þeim hópi," segir Georg.