Töldu að lögbannið yrði ekki staðfest

Skilanefnd Kaupþings mat það sem svo að lögbann á fréttaflutning Ríkissjónvarpsins fengist ekki staðfest þar sem aðrir fjölmiðlar höfðu fjallað ítarlega um málið. Því var ákveðið að falla frá lögbannskröfu á fréttaflutninginn í gær. Þetta kemur fram í upplýsingum frá skilanefnd Kaupþings.

Skilanefndin sendi jafnframt frá sér tilkynningu í gær þar sem kom fram að telji ráðamenn þjóðarinnar rétt að breyta lögum um þagnarskyldu sé brýnt að löggjafarvaldið taki málið föstum tökum þannig að fjármálafyrirtækjum sé unnt að fylgja þeim reglum sem þeim sé ætlað að starfa eftir.

Samkvæmt heimildum frá skilanefndinni hafa forsvarmenn danska bankans FIH sem er á forsvari skilanefndarinnar fengið þó nokkrar fyrir-spurnir vegna lekans og margir lýst áhyggjum sýnum yfir því að þessar upplýsingarnar hafi verið gerðar opinberar. - bþa