Óbreytt afstaða til Icesave og Edge

„Afstaða ríkisstjórnarinnar varðandi innstæður útibúa íslenskra banka á Evrópska efnahagssvæðinu hefur ekki breyst síðan í nóvember 2008 þegar Ísland og Evrópusambandið og nokkur aðildarríki þess komust að sameiginlegum viðmiðum um lausn á málefnum innstæðueigenda útibúa Landsbankans í Bretlandi og Hollandi (Icesave) og Kaupþings í Þýskalandi (Edge)," segir í yfirlýsingu sem viðskiptaráðherra hefur sent frá sér vegna ummæla forsetans um innistæður á Edge í Þýskalandi.

Ennfremur segir að á grundvelli þessa samþykkti Alþingi þingsályktun um að fela ríkisstjórninni að leiða til lykta samninga við viðeigandi stjórnvöld vegna þessa máls. Samningaviðræður standa yfir og mun þeim vonandi ljúka fljótlega.