Mótmælum frestað vegna frestunar á heræfingum

Samtök hernaðarandstæðinga á Norðurlandi hafa frestað mótmælum sem áttu að fara fram á morgun. Sjálfir segja þeir í tilkynningu að ástæðan sé sú að bandaríska herveldið hafi hörfað undan friðarvilja Norðlendinga.

Tilkynningu þeirra má lesa hér:

Bandaríska herveldið virðist hafa hörfað undan friðarvilja Norðlenginga. Aðflugsæfingum hefur a.m.k. verið frestað um óákveðinn tíma. Fyrir vikið hafa Samtök hernaðarandstæðinga á Norðurlandi ákveðið að fresta fyrirhugaðri mótmælastöðu við Akureyrarflugvöll klukkan 14.30, laugardaginn 8. ágúst.

Samtökin hafa þó haft njósnir af því að hernaðarbrölti sé ekki lokið á Akureyrarflugvelli og að umræddar æfingar muni fara fram síðar í vikunni. Því verður boðað til nýrrar mótmælastöðu um leið og það liggur fyrir hvenær þær verða.