Nick Bradford kemur ekki aftur - Amani Daanish til Grindavíkur

Nick Bradford mun ekki spila með Grindvíkingum í Iceland Express deildinni í körfubolta næsta vetur en framkemur á heimasíðu félagsins að liðið sé búið að semja við Bandaríkjamanninn Amani Daanish.

Amani Daanish er 26 ára, 200 sm og 99 kg framherji. Hann spilaði með Indiana State Sycamores í bandaríska háskólaboltanum en Larry Bird er bæði stigahæsti og frákastahæsti leikmaðurinn í sögu skólans. Daanish var með 11,0 stig og 6,6 fráköst í leik á lokaári sínu.

Amani Daanish lék með Salon Vilpas Vikings í Finnlandi á síðasta tímabili og var þar með 16,8 stig, 10,7 fráköst og 1,1 varið skot að meðaltali í leik í finnsku b-deildinni. Hann varð í 2. sæti í fráköstum í deildinni.