Birgir Leifur á tveimur undir pari á Opna-velska

Atvinnukylfingurinn Birgir Leifur Hafþórsson úr GKG lék fyrsta hringinn á Opna Velska mótinu á 69 höggum eða tveimur höggum undir pari Celtic Manor vallarins.

Birgir Leifur fékk fjóra fugla og tvo skolla á hringnum í dag.

Birgir Leifur er sem stendur í 19.-36. sæti af 150 kylfingum í mótinu en þar á meðal eru þekkt nöfn á borð við Colin Montgomerie og Paul Lawrie.

Fjórir kylfingar eru efstir og jafnir eftir fyrsta daginn en það eru Daninn Thomas Björn, Suður-Afríkumaðurinn David Frost, Englendingurinn Nick Dougherty og Skotinn Alan McLean.