Viðskipti innlent

Ekki hafa borist skuldbindandi tilboð í West Ham

,,Við höfum ekki fengið nein skuldbindandi tilboð enn sem komið er en við höfum bundist trúnaðarsamkomulagi við allnokkra. Við höfum ekki gefið upp hverjir það eru en það er hópur manna og þeir hafa fengið ákveðnar upplýsingar um félagið," segir Ásgeir Friðgeirsson, varaformaður stjórnar West Ham og talsmaður Björgólfs Guðmundssonar aðaleiganda Hansa efh.

Héraðsdómur Reykjavíkur féllst á það í dag að veita Hansa framlengingu á greiðslustöðvun félagsins til 6. mars. Ein helsta ástæða þess að dómari féllst á lengri greiðslustöðvun er sú að sala á fótboltaliðinu West Ham, sem er langstærsta og verðmætasta eign Hansa, er í fullum gangi. Vonast er til að um 250 milljónir punda fáist fyrir félagið.

Ásgeir Friðgeirsson.

,,Það sem eftir stendur er að Héraðsdómur metur að það séu næg verðmæti og það sé hagsmunum allra kröfuhafa fyrir bestu að aðstandendur Hansa haldi áfram að vinna í málinu," segir Ásgeir.

Ásgeir segir að ekki þurfi að selja félagið. Aðrir kostir séu í stöðunni. Aðspurður vildi hann ekki fara nánar út í hverjir kostirnir séu.




Tengdar fréttir

Hansa fær lengri greiðslustöðvun - Sala á West Ham í fullum gangi

Héraðsdómur Reykjavíkur féllst á það í dag að veita Hansa ehf, sem er í eigu Björgólfs Guðmundssonar, framlengingu á greiðslustöðvun félagsins til 6. mars 2009. MP Banki, einn af lánadrottnum félagsins krafðist þess að beiðninni væri hafnað en dómari féllst ekki á það. Ein helsta ástæða þess að dómari féllst á lengri greiðslustöðvun er sú að sala á fótboltaliðinu West Ham, sem er langstærsta og verðmætasta eign Hansa, er í fullum gangi. Vonast er til að um 250 milljónir punda fáist fyrir félagið. Hansa bendir á að salan á félaginu sé grundvallarforsenda þess að félaginu takist að koma skikk á fjármál sín.



Mest lesið


Fleiri fréttir

Sjá meira


×

Mest lesið