Aukning þorskafla gæti skilað milljarði á mánuði í kassann

Þetta kemur fram í Morgunkorni greiningar Glitnis þar sem fjallað er um jákvæð niðurstöðu úr haustmælingu Hafrannsóknarstofnunar á stofnstærð þorsks.

Mælingin vekur vonir um að útflutningstekjur af sjávarafurðum aukist nokkuð á næstu misserum. Mældist heildarvísitala þorsks sú hæsta á þeim 12 árum sem slíkar mælingar hafa verið gerðar og hækkaði hún um 70% á milli ára

Heildartekjur af útflutningi þorsks og þorskafurða á síðasta ári voru tæpir 50 milljarðar kr., sem samsvarar nærri 40% af útflutningsverðmæti allra sjávarafurða í fyrra.

Þótt verð á þorski hafi lækkað nokkuð á erlendum mörkuðum undanfarið hefur verð á villtum fisktegundum á borð við þorskinn þó haldið sjó mun betur en hrávöruverð á heildina litið.