Reading vann Coventry

Einn leikur var í ensku 1. deildinni í kvöld en það var Íslendingaslagur Reading og Coventry. Reading vann 3-1 sigur eftir að Coventry hafði komist yfir í leiknum.

Daniel Fox skoraði fyrsta mark leiksins fyrir Coventry en Reading náði forystunni fyrir hálfleik með mörkum frá Noel Hunt og Kalifa Cisse. Hunt innsiglaði síðan sigur Reading í seinni hálfleik með sínu öðru marki.

Ívar Ingimarsson lék allan leikinn fyrir Reading en Brynjar Björn Gunnarsson kom inn sem varamaður á 77. mínútu. Aron Einar Gunnarsson var í byrjunarliði Coventry og fékk gult spjald í seinni hálfleik. Hann var síðan tekinn af velli á 59. mínútu.

Reading er með 37 stig í þriðja sæti deildarinnar, fjórum stigum á eftir Birmingham sem situr í öðru sæti. Coventry er í 17. sætinu.