Tveggja mánaða sigurganga Kiel haldur áfram

Alfreð Gíslason og félagar hans í þýska úrvalsdeildarliðinu Kiel unnu í kvöld sinn tólfta leik í röð í deildinni. Kiel vann 37-26 útisigur á Minden á útivelli í kvöld.

Gylfi Gylfason og Ingimundur Ingimundarsson skoruðu fjögur mörk hvor fyrir Minden í leiknum en Vid Kavticnik skoraði tíu fyrir Kiel og Marcus Alm sjö. Kiel hafði yfir 18-11 í hálfleik.

Í kvöld eru liðnir nákvæmlega tveir mánuðir síðan Kiel spilaði sinn fyrsta leik í úrvalsdeildinni undir stjórn Alfreðs. Þá gerði liðið 28-28 jafntefli við Dormagen á heimavelli sínum, en hefur ekki litið til baka síðan og unnið tólf í röð.

Jaliesky Garcia skoraði fjögur mörk fyrir Göppingen í kvöld þegar liðið lagði Balingen 28-22 og þá vann Flensburg 37-31 sigur á Fuchse Berlin.

Kiel er að sjálfssögðu á toppi deildarinnar með 25 stig, Lemgo hefur 21 og Flensburg og Magdeburg hafa 19 stig í þriðja til fjórða. Flensburg á leik til góða.