Lennon með sjálfstraustið í botni

Harry Redknapp, knattspyrnustjóri Tottenham, býst fastlega við því að vængmaðurinn Aaron Lennon endurheimti sæti sitt í enska landsliðinu. Lennon átti stórleik í gær þegar Tottenham vann 1-0 sigur á Blackburn.

Lennon missti sæti sitt í byrjunarliði Tottenham undir stjórn Juande Ramos. „Ef hann heldur áfram á þessari braut þá getur Fabio Capello ekki litið framhjá honum. Hann er búinn að endurheimta sjálfstraust sitt," sagði Redknapp.

Lennon fór illa með Martin Olsson, bakvörð Blackburn, sem endaði með því að Olsson fékk tvö gul spjöld og þar með rautt í fyrri hálfleik. „Hann er bara 21. árs. Það eru ekki margir leikmenn í sömu stöðu sem hafa þessa hæfileika sem hann er með," sagði Redknapp.

Sjálfur segist Lennon þakka Redknapp að stóru leyti fyrir. „Ég hef orðið betri og betri síðan nýi stjórinn kom. Það er samt ekki bara ég sem er að bæta leik minn heldur allt liðið," sagði Lennon.