Liverpool valtaði yfir Newcastle

Liverpool heldur toppsætinu í ensku úrvalsdeildinni eftir fádæma auðveldan 5-1 útisigur á Newcastle í fyrsta leik dagsins.

Það var fyrirliðinn Steven Gerrard sem opnaði markareikning Liverpool eftir hálftímaleik, en fram að því hafði Shay Given markvörður Newcastle haldið heimamönnum inni í leiknum með stórkostlegum markvörslum hvað eftir annað.

Varnarleikur þeirra svarthvítu var skelfilegur á köflum og Sami Hyypia nýtti sér það og bætti við öðru marki Liverpool með skalla aðeins fimm mínútum eftir að Gerrard braut ísinn.

Staðan var 2-0 í hálfleik og sigurinn virtist komin langleiðina í höfn hjá þeim rauðu, en David Edgar setti spennu í leikinn með því að minnka muninn strax í upphafi síðari hálfleiks.

Lengra komust heimamenn þó ekki og mörk frá Ryan Babel, Gerrard og vítaspyrna frá Xabi Alonso innsigluðu öruggan sigur toppliðsins.

Newcastle United 1 - 5 Liverpool

0-1 S. Gerrard ('31)

0-2 S. Hyypiä ('36)

1-2 D. Edgar ('44)

1-3 R. Babel ('50)

1-4 S. Gerrard ('66)

1-5 Xabi Alonso ('76, vsp)