Jafnt hjá Noregi og Póllandi

Noregur og Pólland gerðu 24-24 jafntefli í milliriðli 1 í kvöld. Leikurinn var mjög dramatískur og fjögur rauð spjöld fóru á loft. Pólverjar skoruðu þrjú síðustu mörk leiksins eftir að heimamenn höfðu haft forystu nær allan seinni hálfleik.

Kjetil Strand skoraði níu mörk í kvöld fyrir norska liðið. Marcin Lijewski skoraði átta mörk fyrir Pólverja. Í hálfleik var staðan 13-12 fyrir Noreg.

Þegar öll lið í milliriðli 1 eru með þrjá leiki á bakinu er Noregur á toppnum með fimm stig en þetta voru fyrstu töpuðu stig þeirra. Króatía og Danmörk hafa fjögur stig, Pólland þrjú, Slóvenía tvö og Svartfjallaland rekur lestina án stiga.