Viðskipti innlent

Nýja Kaupþing með viðskiptavakt fyrir Össur hf.

Nýja Kaupþing hf. hefur yfirtekið samning Össurar hf. við Kaupþing banka hf. um viðskiptavakt á útgefnum hlutabréfum félagsins.

Í tilkynningu um málið segir að Nýja Kaupþing skuldbindi sig til að setja daglega fram kaup- og sölutilboð í Kauphöllinni á Íslandi í Össuri að lágmarki 100.000 kr. að nafnvirði á gengi sem Nýja Kaupþing ákveður í hvert skipti.

Hámarksmunur á kaup- og sölutilboðum skal ekki vera meiri en 1,5% og frávik frá síðasta viðskiptaverði ekki meira en 3%. Hámarksfjárhæð heildarviðskipta dag hvern sem bankinn er skuldbundinn til að eiga eða selja skal vera 100.000.000 kr. að markaðsvirði.



Mest lesið


Fleiri fréttir

Sjá meira


×

Mest lesið