Semja um viðskiptavakt við Lánasjóð sveitarfélaga

MP Banki, Saga Capital, og Straumur hafa gert samninga við Lánasjóð sveitarfélaga í tengslum við viðskiptavakt á eftirmarkaði með bréf sjóðsins í flokki LSS150224.

Tilgangur samningsins er að styrkja aðgang lánasjóðsins að lánsfé og koma á virkri verðmyndum á eftirmarkaði með bréf sjóðsins.

Í tilkynningu segir að meginatriði samningsins séu eftirfarandi:

Viðskiptavaki skuldbindur sig til að setja fram kaup- og sölutilboð í OMX Nordic Exchange á Íslandi fyrir opnun markaðar í þá flokka sem samningurinn nær yfir.

Fjárhæð kaup- og sölutilboða skal vera að lágmarki 20 milljón kr. að nafnverði. Jafnframt er viðskiptavaka skylt að endurnýja tilboð sín í kauphöll innan 15 mínútna frá því að þeim hefur verið tekið.

Hámarksmunur kaup- og sölutilboða viðskiptavaka ákvarðast af verði gildra tilboða og má mest vera 1,0%.

Eigi viðskiptavaki viðskipti á einum viðskiptadegi fyrir 100 milljónum kr. að nafnverði í tilteknum flokki er honum heimilt að víkja frá hámarksmun kaup- og sölutilboða það sem eftir lifir viðskiptadags.