Flugeldar rufu þögnina

Stuðningsmenn Manchester United og Manchester City virtu þá þögn sem ríkti í eina mínútu fyrir leik liðanna til minningar um þá sem fórust í flugslysinu í München fyrir hálfri öld.

Hins vegar heyrðust sex háværir hvellir sem komu frá flugeldum sem kveikt var í utan leikvangsins.

Óttast var að einhverjir stuðningsmanna City myndu ekki virða þögnina en það gerðist ekki.

Sekkjapípuleikari fór fyrir leikmönnum er þeir gengu inn á völlinn og knattspyrnustjórarnir Alex Ferguson og Sven-Göran Eriksson lögðu kransa á miðju vallarins.

Að mínútuþögninni lokinni klöppuðu stuðningsmenn United stuðningsmönnum City lof í lófa.