Framtíðarmenn enska landsliðsins

Theo Walcott og Wayne Rooney eiga það sameiginlegt að hafa orðið enskir landsliðsmenn áður en þeir urðu 18 ára. The Sun hefur skoðað framtíðina fyrir enska landsliðið.

Hér að neðan má sjá tíu björtustu vonirnar í enska boltanum að mati blaðamanna The Sun.

1. Jack Wilshere, 16 ára miðjumaður Arsenal

Klárlega enskur landsliðsmaður í framleiðslu hjá Arsene Wenger. Vakti gríðarlega athygli fyrir frammistöðu sína í deildabikarleik gegn Wigan í síðustu viku. Getur splundrað vörn andstæðingana með sendingum sínum.

2. Freddie Sears, 18 ára sóknarmaður West Ham

Skoraði 25 mörk í 24 leikjum fyrir varalið West Ham á síðasta tímabili. Hefur fengið nóg að spila með aðalliðinu undir stjórn Gianfranco Zola og sýnt skemmtileg tilþrif með hraða sínum og góðri færanýtingu

3. Fabian Delph, 18 ára miðjumaður Leeds

Er að öðlast reynslu með því að spila á fullu í ensku 2. deildinni með Leeds. Hefur ekki farið framhjá Stuart Pearce og var kallaður inn í enska U21 landsliðið. Ensku úrvalsdeildarliðin fylgjast vel með honum.

4. Jack Rodwell, 17 ára varnar-/miðjumaður Everton

Getur spilað í vörninni eða á miðjunni. Hefur verið í aðalliðshópi Everton á tímabilinu þar sem David Moyes gekk illa að styrkja lið sitt fyrir tímabilið. Svo sannarlega framtíðarmaður.

Skoraði stórglæsilegt mark fyrir aðallið United gegn Stoke um síðustu helgi. Talið er að hann geti farið að veita sóknarmönnum United harða samkeppni um sæti í liðinu áður en langt um líður.

6. Joe Mattock, 18 ára varnarmaður Leicester

Næst yngsti leikmaður sem leikið hefur með enska U21 landsliðinu á eftir Theo Walcott. Vinstri bakvörður sem er traustur varnarlega og getur skapað hættu fram á við.

7. John Bostock, 16 ára miðjumaður Tottenham

Var keyptur til Spurs frá Crystal Palace síðasta sumar. Stjórnarformaður Palace varð brjálaður þegar liðið missti hann. Hann er yngsti leikmaður sem leikið hefur fyrir aðallið Tottenham.

8. Jose Baxter, 16 ára sóknarmaður Everton

Er að feta í fotspor Wayne Rooney og James Vaughan. Everton hættir ekki að framleiða góða sóknarmenn. Er talinn vera ekki ósvipaður leikmaður og Rooney.

9. Victor Moses, 18 ára miðju-/sóknarmaður Crystal Palace

Náði að spila um 30 aðalliðsleiki fyrir Crystal Palace áður en hann hélt upp á 18 ára afmælið sitt. Snöggur, sterkur og hefur meðfædda hæfileika. Fæddur í Nígeríu og er á óskalista Arsenal.

10. Nathan Delfouneso, 17 ára sóknarmaður Aston Villa

Var kominn á bekkinn hjá aðalliðinu fljótlega eftir 17 ára afmælið. Hefur skorað grimmt fyrir varalið Villa. Mikils metinn hjá félaginu og einnig hjá ungmennalandsliðum Englands.