Seðlabankinn lækkar dráttarvexti

Seðlabankinn lækkaði í gær vanefndaálag úr 11% í 7% í samræmi við lög og lækka þar með dráttarvextir um 1,5% og verða 25%. Vaxtaákvörðunin gildir frá 1. janúar 2009 til og með 30. júní 2009.

Greining Glitnis fjallar um málið í Morgunkorni sínu. Þar segir að í aðgerðaáætlun ríkisstjórnarinnar í þágu heimilanna, sem kynnt var 14. nóvember síðastliðinn, og ætlað er að koma til móts við fjölskyldur og heimili í landinu í kjölfar fjármálakreppunnar, kemur m.a. fram að ætlunin sé að endurskoða lög um dráttarvexti með það að markmiði að dráttarvextir lækki.

Ljóst er að vaxandi fjöldi fyrirtækja og heimila eru að lenda í að greiða dráttarvexti vegna hrjóstrugs efnahagsástands. Með lækkun dráttarvaxta er komið til móts við þessa aðila. Aðgerðin er til þess fallin að slaka á aðhaldi í peningamálum.