Ancelotti: Getum orðið meistarar

Carlo Ancelotti, þjálfari AC Milan, telur að sitt lið hafi það sem þarf til að berjast við Inter um ítalska meistaratitilinn. AC Milan er sem stendur níu stigum á eftir erkifjendum sínum í Inter sem eru á toppnum.

„Við þurfum að vera í betra líkamlegu formi seinni hluta tímabilsins og bæta leik okkar okkar einnig, sérstaklega varnarlega," sagði Ancelotti. „Ég tel okkur enn vera að berjast um meistaratitilinn og við trúum því sjálfir að við getum náð Inter."

AC Milan er sem stendur í æfingaferð í Dubai en með í för er að sjálfsögðu David Beckham. „Að mínu mati er hann leikmaður sem getur bætt liðið. Í þessari viku sé ég betur ástand hans og svo verður tekin ákvörðun um það hvort hann spili með okkur leiki," sagði Ancelotti.