Crouch á óskalista Eriksson?

Breskir fjölmiðlar eru á því að Sven-Göran Eriksson, stjóri Manchester City, ætli að gera kauptilboð í framherjann Peter Crouch hjá Liverpool í janúarglugganum.

Eriksson er þegar búinn að tryggja sér þjónustu hins öskufljóta Nery Castillo og talið er að hann sjái Peter Crouch fyrir sér sem upplagðan félaga hans í framlínu City.

"Við erum búnir að landa Castillo og við munum líklega kaupa meira. Leikmennirnir sem við erum með í sigtinu eru stór nöfn og kosta mikið," sagði Svíinn, sem sagður er fá háar fjárhæðir til leikmannakaupa eftir frábæra byrjun í deildinni.