Blackburn staðfestir ráðningu Allardyce

Blackburn hefur staðfest að félagið hafi gert þriggja ára samning við Sam Allardyce um að sinna starfi knattspyrnustjóra liðsins.

Paul Ince var rekinn úr starfinu í gær og gerðu forráðamenn félagsins þá strax grein fyrir því að þeir vildu fá annan mann í starfið sem allra fyrst.

Allardyce starfaði síðast sem knattspyrnustjóri Newcastle en hann var rekinn þaðan í janúar.

Graeme Souness var einnig orðaður við starfið en hann sagði sjálfur fyrr í dag að hann myndi ekki fara aftur til félagsins.