Ævintýralegur endir Anderton

Darren Anderton lék í gær sinn síðasta leik á ferlinum sem atvinnumaður í knattspyrnu og kvaddi með því að skora sigurmarkið í leik Bournemouth gegn Chester í ensku C-deildinni.

Anderton er 36 ára gamall og kom inn á sem varamaður 56. mínútu leiksins. Hann skoraði svo eina markið þegar tvær mínútur voru eftir af leiknum.

„Boltinn var á góðum snúningi og ég hitti hann nokkuð vel. Svo þegar ég sá hann í netinu hugsaði ég með mér hvað ég væri nú að gera með því að hætta þessu," sagði Anderton eftir.

„En ég hef tekið mína ákvörðun og verð að standa við hana. Þetta var glæsilegur endir á ferlinum."

Anderton sagðist frekar vilja hætta nú en að þrauka til loka tímabilsins. „Ég vildi frekar hætta núna en að rembast áfram við þetta. Kannski hefði ég hatað þetta eftir nokkra mánuði. Ég vildi hætta á meðan ég væri enn áhugasamur."