Ólafur Evrópumeistari

Ólafur Stefánsson var lykilmaður er Ciudad Real varð í dag Evrópumeistari í handbolta. Hann skoraði tólf mörk í leiknum en þetta var í þriðja skiptið sem hann vinnur titilinn.

Kiel vann fyrri leikinn á Spáni með tveggja marka mun og bjuggust því flestir við sigri Þjóðverjanna í dag. En annað kom á daginn, Ciudad Real vann sex marka sigur, 31-25, eftir að hafa verið með tveggja marka forystu í hálfleik, 15-13.

Sem fyrr segir var Ólafur alger lykilmaður og fór fyrir sínum mönnum í sóknarleiknum.