Hagnaður Honda meiri en vænst var

Hagnaður Honda framleiðendanna jókst á öðrum ársfjórðungi 2008. Framleiðendurnir búast þó við því að hagnaðurinn minnki þegar litið verði til ársins í heild.

Hagnaður Honda nam 1,68 milljörðum bandaríkjadala, sem er 8,1% meiri hagnaður en á sama tímabili í fyrra. Þessar niðurstöður fengust þrátt fyrir 2,2% tekjulækkun vegna styrkingar á japanska gjaldmiðlinum.

Honda náði þessari rekstrarafkomu á öðrum árshluta með því að hækka vöruverð og skera niður framleiðslukostnað. Einnig hefur eftirspurn eftir sparneytnum bílum aukist mjög mikið vegna hækkunar á olíuverði.