Heiðar hætti við QPR - fer til Charlton

Heiðar Helguson er hættur við að ganga í raðir QPR í ensku B-deildinni og ætlar þess í stað að ganga í raðir Charlton.

Í breska blaðinu Mirror kemur fram að Heiðar hafi hætt við að semja við QPR eftir að félagið breyta lánssamningi hans og því ákveðið að stökkva á tilboð frá Charlton.

Forráðamenn QPR eiga að hafa heimtað að hann semdi við liðið til 31. janúar, en það hefði þýtt að Heiðar hefði ekki geta fundið sér nýtt félag fyrir lokun félagaskiptagluggans ef honum hefði ekki líkað hjá QPR.

Kaldhæðni örlagana er sú að næsti leikur Charlton er einmitt gegn QPR annað kvöld og því gæti Heiðar spilað sinn fyrsta leik gegn QPR.

Lánssamningur Heiðars við Charlton gildir fram í byrjun janúar.