Rodgers tekur við Watford

Enska 1. deildarliðið Watford hefur tilkynnt um nýjan knattspyrnustjóra. Það er Brendan Rodgers sem var þjálfari varaliðs Chelsea. Rodgers er 35 ára og verður þetta hans fyrsta verkefni sem aðalþjálfari.

Malky Mackay hefur stýrt Watford síðan Adrian Boothroyd lét af störfum í upphafi mánaðarins. Hann mun halda áfram sem þjálfari hjá félaginu. Þá hefur Frank Lampard eldri, fyrrum leikmaður West Ham, verið ráðinn sérstakur ráðgjafi hjá Watford.

Rodgers er frá Norður-Írlandi og var hann yfir akademíunni hjá Reading áður en hann kom á Stamford Bridge 2004. Hann var til að byrja með yfir akademíu Chelsea þar sem mikil ánægja var með hans störf. Hann tók síðan við varaliði félagsins.

Watford er í 21. sæti ensku 1. deildarinnar.