Enski boltinn

Helgin á Englandi - Myndir

Elvar Geir Magnússon skrifar

Það voru stórleikir í ensku úrvalsdeildinni á sunnudag. United vann baráttuna um Manchester og Arsenal gerði sér lítið fyrir og sótti þrjú stig á Stamford Bridge.

Ljósmyndarar Getty Images voru á öllum leikjum helgarinnar í ensku úrvalsdeildinni og með því að smella á myndaalbúmið hér að neðan má rifja upp helgina í máli og myndum.

Robin van Persie skoraði tvívegis fyrir Arsenal sem vann topplið Chelsea á útivelli. Hann var reyndar rangstæður í fyrra markinu en aðstoðardómarinn hélt flagginu niðri.
Leikmenn Arsenal fagna innilega.
Frank Lampard og Cesc Fabregas. Tveir frábærir miðjumenn að berjast.
Cristiano Ronaldo setur hér hendur sínar í boltann í grannaslagnum gegn Manchester City.
Ronaldo var búinn að fá gult spjald og fékk annað fyrir handboltann og þar með rautt.
Rauða spjaldið hafði lítið að segja. United vann leikinn 1-0 með marki Wayne Rooney. Hans hundraðasta mark á ferlinum.
Sean Davis skoraði sigurmark Portsmouth gegn Blackburn.
Guð er frábær. Steven Pienaar kom þeim skilaboðum áleiðis þegar hann tryggði Everton sigur á Tottenham.
Roy Keane horfði á sína menn í Sunderland steinliggja gegn Bolton.
Johan Elmander nýbúinn að skjóta að marki... og inn fór boltinn. Elmander skoraði tvö síðustu mörk Bolton í 4-1 útisigrinum gegn Sunderland.
Ishmael Miller, leikmaður WBA, í loftinu. Wigan vann West Brom 2-1.
Stuðningsmaður Stoke með skilaboð til knattspyrnustjóra Hull sem er mikið fyrir ljósabekkina. Stoke og Hull gerðu 1-1 jafntefli.
Enski boltinn

Mest lesið


Fleiri fréttir

Sjá meira


×

Mest lesið