Áhugi á Julian Graves

Eins og Vísir greindi frá í dag hefur Baugur fengið Deloitte til þess að taka út heilsuvörukeðjuna Julian Graves sem er í eigu fyrirtækisins. Breska blaðið Telegraph segir líklegt að keðjan verði seld. Samkvæmt heimildum Vísis er málið þannig vaxið að ákveðnir aðilar hafa leitað til Baugs og lýst yfir áhuga á að kaupa Julian Graves.

Það mál mun þú enn vera á algjöru frumstigi og enn er ekki farið að ræða söluverðmæti keðjunnar.

Baugur keypti Julian Graves árið 2003 en keðjan er með 335 búðir víðs vegar um Bretland. Svipað ferli fór í gang síðasta haust þegar leitað var til Baugs með mögulega sölu í huga en af því varð ekki.