Enn tapar Arsenal stigum

Arsenal heldur áfram að valda stuðningsmönnum sínum vonbrigðum gegn minni spámönnum í úrvalsdeildinni. Liðið varð að gera sér að góðu 1-1 jafntefli við Middlesbrough á útivelli í dag.

Emmanuel Adebayor kom Arsenal yfir í rigningunni með marki á 17. mínútu, en aðeins tólf mínútum síðar jafnaði fyrrum Arsenal maðurinn Jeremie Aliadiere með laglegu skallamarki og þar við sat.

Robin Van Persie fékk besta færi Arsenal í síðari hálfleiknum og Stewart Downing misnotaði besta færi Boro, en ekki er hægt annað en að líta svo á að hér hafi Arsenal mistekist enn á ný að halda í við toppliðin með því að tapa stigum gegn lægra skrifuðum andstæðingum.

Arsenal er í fjórða sæti deildarinnar með 30 stig en Boro í því ellefta með 20 stig.