Fjörutíu milljarða tap Orkuveitunnar

Orkuveita Reykjavíkur tapaði nærri 40 milljörðum króna á fyrstu níu mánuðum ársins samkvæmt árshlutauppgjöri sem samþykkt var af stjórn fyrirtækisins í dag. Skýrist þessi niðurstaða alfarið af 64 prósent gengisfalli íslensku krónunnar eftir því sem segir í tilkynningu til Kauphallarinnar.

Hagnaður fyrir afskriftir, fjármagnsliði og skatta, EBITDA, var um 8,2 milljarða króna og jókst um 12 prósent frá sama tímabili árið 2007. Fyrirtækið jók raforkusölu sína í erlendri mynt verulega á þriðja ársfjórðungi.