Enski boltinn

Helgin á Englandi - Myndir

Elvar Geir Magnússon skrifar

Ekkert af efstu liðum ensku úrvalsdeildarinnar náði í þrjú stig um helgina sem verður að teljast ansi sérstakt! Markalaust var í leikjum Chelsea, Liverpool og Manchester United.

Ljósmyndarar Getty Images voru á öllum leikjum helgarinnar í ensku úrvalsdeildinni og með því að smella á myndaalbúmið hér að neðan má rifja upp helgina í máli og myndum.

West Ham vann Sunderland 1-0 en hér fagnar Valon Behrami sigurmarki sínu ásamt James Collins og Herita Ilunga.
Dómarinn Howard Webb skilur að þá Keith Andrews hjá Blackburn og Jermaine Jenas hjá Tottenham í viðureign þessara liða á sunnudag. Tottenham vann leikinn 1-0.
Gareth Barry í loftfimleikum í leik Aston Villa og Manchester United.
Manchester United fékk gott færi á að saxa á forskot Liverpool og Chelsea en nýtti það ekki. Úrslitin 0-0 á Villa Park í Birmingham.
Michael Owen fær tæklingu frá Ashley Cole í markalausum leik Newcastle og Chelsea.
Luiz Felipe , stjóri Chelsea, ræðir við dómarann Phil Dowd.
Fernando Torres var ekki í markaskónum í leik Liverpool og Fulham frekar en aðrir leikmenn á vellinum. 0-0.
Arsenal hefur mikið verið í fréttunum og það á ansi neikvæðum nótum. Allt virðist í tómu tjóni hjá liðinu um þessar mundir og tapaði Arsenal illa fyrir Manchester City um helgina.
Stephen Ireland skoraði fyrsta mark City af þremur. 3-0 sigur hjá þeim ljósbláu.
Nicklas Bendtner vakti mikla athygli í bleikum skóm.
Grétar Rafn Steinsson og félagar í Bolton unnu góðan útisigur á Middlesbrough. Hér fagna leikmenn Bolton einu af þremur mörkum sínum.
John Utaka og Kamil Zayatte í baráttunni í viðureign Portsmouth og Hull. Leikurinn endaði með jafntefli 2-2.
Enski boltinn

Mest lesið


Fleiri fréttir

Sjá meira


×

Mest lesið