Lánatryggjendur spá í framtíð Bakkavarar í Bretlandi

Nokkrir af lánatryggjendur hjá byrgjum Bakkavarar í Bretlandi eru hættir að veita þeim tryggingar fyrir vörukaupum sínum. Sökum þessa eru uppi vangaveltur um framtíð Bakkavarar meðal þessara lántryggjenda en fyrirtækið er stærsti söluaðili á ferskum matvælum til veitingastaða og stórmarkaða í Bretlandi.

Fjallað er um málið í breska blaðinu Telegraph. Þar kemur m.a. fram að blaðið telur að forráðamenn Bakkavarar eigi nú í samningaviðræðum við Rothschild fjárfestingarbankann um endurfjármögnun upp á 250 milljónir punda eða um 45 milljarða kr.. Þessi endurfjármögnun þarf að koma til á næstu tveimur árum.

Þá hefur Bakkavör ráðið PricewaterhouseCoopers til að vera félaginu til ráðgjafar um lífeyrissjóð félagsins en nú vinna um 20.000 manns í 10 löndum hjá félaginu.

Samkvæmt Telegraph eru engin merki um að Bakkavör eigi í vandræðum. Neitun á lánatryggingum til byrgja þeirra endurspegli fremur litla trú á heildsölumarkaðinum í heild en einstökum fyrirtækjum sem reiða sig á þjónustu hans.

Hinsvegar geti málið haft þau áhrif að byrgjar kerfjist þess af Bakkavör að fá betri tilboð eða jafnvel staðgreitt fyrir vörur sínar.