Einhver íslensku bankanna gæti orðið í eigu útlendinga

Til greina kemur að einhver af íslensku bönkunum verði alfarið í eigu erlendra aðila að mati viðskiptaráðherra. Hann telur að mikill ávinningur geti orðið af því að þeir eignist hluti í bönkunum.

Í næstu viku koma erlendir kröfuhafar í bankana hingað til lands til að ræða hvort að þeir geti í einhverju mæli komið inn í rekstur Landsbankans, Kaupþings og Glitnis og orðið hluthafa í bönkunum.

Ríkisstjórnin lýsti í gær yfir vilja til að greiða fyrir uppgjöri við erlenda kröfuhafa með því að bjóða þeim hlutafé í nýju bönkunum. Viðskiptaráðherra telur að töluverður ávinningur geti orðið að því erlendir aðilar eignist hlut í bönkunum.

Slíkt geti endurreist traust á íslensku fjármálakerfi, gert nýju bönknum auðveldara fyrir að fjármagna sig erlendis og komið í veg fyrir krosseignatengsl.