Myndir frá Glitnismaraþoni verðlaunaðar

Ljósmyndaröð frá Glitnismaraþoninu í Kaupmannahöfn í hlaut í gær verðlaun World Press Photo samkeppninnar, en það var danski blaðaljósmyndarinn Erik Refner hjá Berlingske Tidende sem hlaut verðlaunin.

Um er að ræða 10 myndir af þátttakendum í maraþonhlaupinu sem teknar voru við endamark hlaupsins þann 18. maí 2007.

Hin árlega blaðaljósmyndasamkeppni World Press Photo er ein virtasta sinnar tegundar í heiminum. World Press Photo eru sjálfstæð og óháð samtök og voru stofnuð árið 1955 í Hollandi. Verðlaunamyndir hvers árs eru birtar í veglegri bók sem er gefin út á sex tungumálum.

Verðlaunamyndirnar verða í kjölfarið sýndar í 45 löndum þar sem áætlað er að ríflega 2 milljónir manna muni líta myndirnar augum.

Myndirnar er að finna á vef World Press Photo.