Íslenska kvennalandsliðið tapaði í dag 33-23 fyrir Rúmenum í síðari leik liðanna í umspili um sæti á EM. Berglind Íris Hansdóttir markvörður var maður leiksins hjá íslenska liðnu en hún varði 25 skot.
Hanna Stefánsdóttir skoraði 5 mörk fyrir íslenska liðið og Sólveig Kjærnested 4.
Íslenska liðið tapaði heimaleiknum með 14 marka mun en gerði nokkuð betur í síðari leiknum ytra í dag.
