Victoria stolt af sjö metra miðfæti bóndans

"Ég elska að sjá sjö metra langan liminn á honum. Hann er risavaxinn. Ógnarstór. Það er frábært," sagði Victoria Beckham til að lýsa viðbrögðum sínum yfir risastórum auglýsingaskiltum af bónda sínum sem prýða nú byggingar víða um heim.

David Beckham sat fyrir í auglýsingaherferð fyrir Emporio Armani á dögunum og ollu myndirnar talsverðu fjaðrafoki. Þar sést knattspyrnumaðurinn á nærfötunum einum saman og þótti bungan í brókunum heldur stærri en góðu hófi gegndi.

Victoria kona hans hefur aldrei setið á skoðunum sínum þegar kemur að bóndanum og hélt því eitt sinn fram í viðtali að hann gengi stundum um í brókum af henni sjálfri. Beckham fékk skiljanlega að heyra það frá félögum sínum á knattspyrnuvellinum.

Beckham gengur oft undir gælunafninu Gullpungur, en það er nafngift sem hann fékk að sjálfssögðu frá málglaðri konu sinni.

Victoria lét hafa þessi orð hér að ofan eftir sér þegar hún var spurð út í auglýsingaherferð bónda síns og bætti við. "Ef ég væri svona vaxin, myndi ég klárlega ganga um á bærbuxunum einum saman," sagði kryddpían.