Sala á Kaupþing í Lúxemborg á vikvæmu stigi

Unnt verður að greiða 112 til 150 milljarða króna til allra innlánseigenda Kaupþings í Lúxemborg, Belgíu og Sviss, náist samningar um sölu á bankanum. Viðræður standa yfir um söluna og eru sagðar á afar viðkvæmu stigi.

Kaupþing banki í Lúxemborg hefur verið í greiðslustöðvun í tæpar átta vikur. Stjórnendur bankans ásamt yfirvöldum í Lúxemborg hafa á þeim tíma lagt nótt við dag til að finna kaupanda að eignum hans. Nú er útlit fyrir að það sjái til lands í málinu.

Fréttastofan hefur einnig heyrt 800 milljónir evra nefndar og er því verið að ræða um fjárhæðir sem svara til um 112 til 150 milljarða íslenskra króna á Seðlabankagengi dagsins.