Mikill agi hjá Capello

Fabio Capello, landsliðsþjálfari Englands, er með strangari agareglur en leikmenn hafa vanist hingað til. Hann hefur sett sínar reglur og fengu leikmenn þær afhentar á hóteli sínu í Watford.

The Sun birti í dag nokkrar af reglunum:

- Óstundvísi verður ekki liðin, herbergisþjónusta er bönnuð og notkun farsíma er aðeins í herbergjum.

- Leikmenn borða saman snyrtilega klæddir og eru merktir liðinu þegar þeir koma fram opinberlega og á leikdegi.

- Leikmenn verða kallaðir eftirnöfnum sínum.

- Kvenfólk, skyldfólk eða umboðsmenn mega ekki koma í heimsókn.

Nú er bara spurning hverju þessi agi skilar en fyrsti leikur enska lisðins undir stjórn Capello verður gegn Sviss á morgun.