Ísland er enn dýrasta land í Evrópu

Þrátt fyrir kreppuna og bankahrunið heldur Ísland titli sínum sem dýrasta land Evrópu hvað daglegar neysluvörur varðar. Verð á þessum vörum er 58% hærra á Íslandi en nemur meðaltali landanna innan Evrópusambandsins.

Noregur er svo næstdýrasta land Evrópu með verðlag sem er 57% hærra en meðaltal ESB. Dýrasta ríkið innan ESB er hinsvegar Danmörk með verðlag sem er 38% yfir meðaltalinu.

Í frétt um málið í blaðinu Politiken segir að næst á eftir Danmörku komi svo Írland með verðlag sem liggur 25% hærra en meðaltalið.

Ódýrasta land innan ESB er hinsvegar Búlgaría þar sem verðlagið er 53% undir meðaltalinu.

Upplýsingarnar byggja á gögnum sem danska hagstofan hefur tekið saman frá árinu 2007. Hinsvegar má leiða góðum líkum að því að Ísland sé nú með enn hærra hlutfall yfir meðaltali ESB þar sem gengi krónunnar hefur hrunið síðan í fyrra með tilheyrandi hækkunum á innfluttum neysluvörum.