Walcott missir úr margar vikur

Vængmaðurinn Theo Walcott hjá Arsenal og enska landsliðinu verður frá keppni næstu vikurnar eftir að hafa farið úr axlarlið á æfingu hjá enska landsliðinu.

BBC segir í kvöld að Walcott sé á leið í aðgerð vegna þessa og verði því frá keppni næstu sjö til átta vikurnar, en Reuters fréttastofan hefur eftir Arsene Wenger að hinn 19 ára gamli Walcott verði ekki með Arsenal næstu þrjá mánuði.

Þetta er ekki í fyrsta skipti sem Walcott meiðist á öxl á ferlinum en hann fór í uppskurð vegna axlarmeiðsla í fyrra.