Babel fékk engin loforð

Ryan Babel, leikmaður Liverpool, hefur viðurkennt að hafa rætt við Rafa Benítez um þann möguleika að vera lánaður til Ajax í Hollandi.

Umboðsmaður leikmannsins sagði í vikunni að hann væri orðinn þreyttur á hve fá tækifæri hann væri að fá.

Babel er 21. árs og vill fá að spila meira en hefur fengið þau skilaboð frá Liverpool að hann sé ekki á förum. Hann fékk engin loforð um aukin tækifæri en segist sætta sig við það að þurfa að halda áfram að berjast fyrir sæti í liðinu.

„Ég ræddi við stjórann um þann möguleika að ég færi á lánssamningi svo ég gæti spilað í hverri viku. Ajax var aðeins dæmi, ákveðinn möguleiki sem ég kom með. Rafa safði nei. Hann lofaði mér engu og ég verð bara að sætta mig við það," sagði Babel.