Nova eins árs í dag

Samskiptafyrirtækið Nova er eins árs í dag. ,,Óhætt er að segja að samkeppni á símamarkaði hafi sjaldan eða aldrei verið fjörugri," segir í tilkynningu frá fyrirtækinu.

Viðskiptavinir Nova í farsíma- og netþjónustu eru ríflega 28000 talsins. Samhliða því hefur starfsfólki fyrirtækisins einnig fjölgað og nú starfa 104 starfsmenn hjá Nova í 85 stöðugildum.

,,Starfsfólk Nova vill nota tækifærið og þakka viðskiptavinum sínum og landsmönnum öllum frábærar viðtökur. Á nýju ári ætlum við að leggja okkur öll fram við að styrkja og efla fyrirtækið. Það gerum við aðeins með því að veita bestu þjónustuna og hagstæðasta verðið," segir í tilkynningu.