Ekki viss um að Lampard komi í sumar

Jose Mourinho, knattspyrnustjóri Inter á Ítalíu, er ekki viss um að Frank Lampard komi til félagsins í sumar frá Chelsea. Hann er hins vegar handviss um að hann komi á næsta ári.

Lampard á eftir eitt ár af samningi sínum og Mourinho er ekki viss um að Chelsea ætli að sleppa honum.

„Það verður auðveldara fyrir hann að koma hingað eftir næsta tímabil. Ég er 100 prósent viss um að hann muni spila hérna tímabilið 2009-2010," sagði Mourinho.

Lampard hefur verið sagður í viðræðum við Chelsea um nýjan fjögurra ára samning en að þær viðræður gangi illa.

Koma Deco til Chelsea er einnig talin greiða götu Lampard til Ítalíu.