Spila Berbatov og Carrick um helgina?

Ekki er ljóst hvort Michael Carrick og Dimitar Berbatov verða tilbúnir í slaginn á laugardag þegar Manchester United mætir Tottenham. United keypti báða leikmennina frá Tottenham.

Berbatov varð fyrir meiðslum um síðustu helgi og lék ekki gegn Álaborg á miðvikudag. Það gerði Carrick ekki heldur.

„Berbatov er meiddur sem stendur en við erum þó vongóðir. Við vonum líka að Carrick geti spilað. Það er mikilvægt að þeir verði með gegn Tottenham því Rooney er í banni og Evra líka," sagði Sir Alex Ferguson.