Zokora ekki á leið frá Tottenham

Didier Zokora segist elska lífið hjá Tottenham og hafa engan áhuga á að yfirgefa White Hart Lane. Juande Ramos, nýráðinn stjóri Real Madrid, er mikill aðdáandi Zokora og var leikmaðurinn orðaður við spænska liðið.

„Ég elska það að vera hjá Spurs. Það er ekki langt síðan ég skrifaði undir nýjan samning. Þú verður að spyrja umboðsmann minn hvort einhver lið hafi sýnt áhuga en ég vill allavega vera áfram hér," sagði Zokora.

„Ég held að ég sé bara orðaður við Real Madrid vegna þess að Ramos er þar. Þegar hann var hér var alltaf verið að orða leikmenn Sevilla við Tottenham."