Ótímabær stýrivaxtalækkun myndi kosta enn meira atvinnuleysi

Seðlabankinn hefur nýtt sér hefðibundnar og óhefðibundnar aðferðir til að koma í veg fyrir að fjármagn flæði úr landi. Þegar peningamálastefnan er flókin þarf almenningi að berast sannfærandi upplýsingar um tilgang með stefnunni og útskýringar á því hvers vegna er nauðsynlegt að forðast ótímabærar vaxtalækkanir. Þetta segir í skýrslu Alþjóðagjaldeyrissjóðsins um íslenskt efnahagslíf, sem unnin var eftir hrun bankanna.

Í skýrslunni segir að stjórnvöld verði að útskýra að með ótímabærri stýrivaxtalækkun myndi gengisfall krónunnar og verðbólga ekki einungis skapa jafn mikla, ef ekki meiri byrgði á hagkerfið til skamms tíma, heldur myndi enn meiri íþyngjandi peningamálastefna fylgja í kjölfarið. Aðhald í ríkisfjármálum þyrfti að verða meira til að hindra flæði fjármagns úr landi og það myndi þýða enn meiri samdrátt í tekjum og enn meira atvinnuleysi.

Seðlabankinn hefur spáð því að atvinnuleysi geti farið upp í 10% í lok næsta árs.